Saryaǵashta 14 myńǵa jýyq gektarǵa kókónis daqyldary egildi
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev Saryaǵash aýdanyna arnaıy saparmen baryp, birqatar sharýa qojalyqtarynyń jumysymen tanysty. Aldymen óńir basshysy Birtilek aýyldyq okrýgindegi qulpynaı ósirýmen aınalysatyn sharýa qojalyǵynda boldy, dep habarlaıdy QazAqparat tilshisi.
2011 jyly qurylǵan qojalyq búginde 1,6 gektar jylyjaıǵa qulpynaı ósirip keledi. Jobanyń quny 75 mln teńgeni quraıdy. Atalǵan sharýashylyqta 30 adam jumyspen qamtylǵan. Qojalyq ıesiniń sózinshe, 1 maýsymda 50 tonna kóleminde qulpynaı óndiriledi.
«Biz óz ónimderimizdi byltyrdan beri Almaty, Astana qalalaryna jóneltýdemiz. Tamshylatyp sýarý ádisiniń arqasynda shyǵyn azaıyp, tabys kólemin ulǵaıtyp otyrmyz. Endigi josparymyz ónim kólemin arttyra túsý bolyp tur. Oǵan múmkinshiligimiz jetedi, tek jumysty júıelep, eńbek etsek bolǵany», - dedi qojalyq tóraǵasy Nurjan Ýmarov.
Sonymen qatar oblys ákimi qyzanaq jáne qııar ósirýmen aınalysatyn sharýashylyqtyń da jumysymen tanysty. Jylyna 250 tonna ónim óndirip otyrǵan qojalyqta 25 adam turaqty jumyspen qamtylǵan. Maýsym kezderinde jumysshylar sany 2 esege deıin artady. Daıyn ónimder Almaty, Astana qalalaryna jáne Soltústik Qazaqstan oblysyna jóneltiledi.
Sondaı-aq, aımaq basshysy «Keles» JShS-niń plenka jáne kóshet qondyrýǵa arnalǵan ydys shyǵaratyn óndiristik tsehynda boldy. Jobanyń jalpy quny 150 mln teńgeni qurasa, onyń 23 mln teńgesi nesıege alynǵan. Іske qosylǵanyna bir-aq aı bolǵan tsehta jylyjaıǵa arnalǵan jabdyqtar shyǵarylady.
Sapar barysynda oblys ákimi aýdandaǵy kóktemgi egis jumystarymen tanysyp, dıqandardyń ótinish-tilekterin tyńdady.
«Bıyl Ońtústik Qazaqstan oblysynda aýyl sharýashylyǵy daqyldarynyń egis kólemi 833,1 myń gektar bolady dep mejelenip otyr. Bul memlekettik baǵdarlamadan 30,6 myń gektarǵa, al ótken jylmen salystyrǵanda 6,8 myń gektarǵa artyq. Búginge oblysta 12,4 myń gektarǵa jazdyq daqyldar, onyń ishinde 6,2 myń gektar kókónis, 0,4 myń gektar arpa, 3 myń gektar jońyshqa, 2,1 myń gektarǵa kartop egildi. Egý jumystary áli de jalǵasýda. Mine, Saryaǵash aýdanynyń ózinde kóptegen nátıjeli jumystar atqarylýda. Kórsetkishti odan da jaqsartýǵa jumys isteý kerek. Memleket tarapynan barynsha kómek beriledi. Sony paıdalanyp aıanbaı eńbek etińizder», - dedi Janseıit Qanseıituly.
Aıta keteıik, Saryaǵash aýdanynda bıyl 13 myń 700 gektar jerge kókónis egilgen. Al, oblystaǵy kóktemgi dala jumystaryn júrgizýge arnalǵan janar maıdyń máselesi oń sheshimin tapqan.
