Saryaǵashta 1,5 mln teńgeniń altyn buıymdary salynǵan sómke urlandy
SARYAǴASh. QazAqparat - Túrkistan oblysy, Saryaǵash aýdanyndaǵy ortalyq bazardan 1,5 mln teńgeniń altyn buıymdary urlandy. Kúdiktiler saýda qatary jaımasynyń astynda turǵan sómkeni qoldy etip, oqıǵa ornynan boı tasalaǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, kúdikti altyn urlyǵyn óziniń 4 sybaılasymen birge jasaǵan. Aýdandaǵy tártip saqshylary qylmystyń izin sýytpaı ashý maqsatynda kúdiktilerdi jedel izdestirý sharalaryn júrgizdi.
«Kúdiktilerdiń bireýi Shymkent qalasynan ustalyp, qamaýǵa alyndy. Qalǵandaryna izdeý jarııalandy. Oqıǵaǵa qatysty QR QK-niń 188 «Urlyq» babymen tergep-tekserý amaldary júrgizilip, is sotqa joldandy», - delingen habarlamada.
