Saryaǵash turǵyny karantın kezinde 200 adamdy jınap, qyz uzatý toıyn jasaǵan

SARYAǴASh. QazAqparat – Túrkistan oblysy Saryaǵash aýdanynda jergilikti turǵyn 200-ge jýyq adamdy jınap qyz uzatý toıyn jasaǵan, dep habarlaıdy QazAqparat tilshisi.

Karantın talaptaryn buzyp, otbasylyq jıyn uıymdastyrýshyny polıtseıler anyqtaǵan.

Oblystyq PD baspasóz qyzmetiniń málimetinshe, jergilikti toıhanalardyń birinde qyz uzatý toıy ótip jatqany týraly habarlama polıtsııaǵa kelip túsken.

Osy habardy alysymen tártip saqshylary mobıldi toppen birge tez arada kórsetilgen mekenjaıǵa jetip, tekserý jumysyn júrgizgen.

Nátıjesinde toıhanaǵa 200-ge jýyq adam jınalyp, toı ótip jatqany belgili bolǵan.

Polıtseılerden qurylǵan mobıldi top toıdy toqtatyp, qonaqtardy tarqatqan.

Toı ıesine QR ÁQBtK 425-baby boıynsha hattama toltyrylyp, SEBB-ǵa joldanǵan.