Saryaǵash turǵyny 11 adamdy qarjy pıramıdasyna tartyp, 3,5 mln teńgesin qoldy qylǵan
SARYAǴASh. QazAqparat - Túrkistan oblysy polıtseıleri turǵyndardy aldap, qarjy pıramıdasyna aqsha saldyrǵan alaıaqty ustady, dep habarlaıdy QazAqparat.
Saryaǵash APB kezekshi bólimine 10-nan astam jergilikti turǵyn alaıaqtyq boıynsha aryz túsirgen. Olardyń aıtýynsha, ótken jyldyń naýryz-mamyr aılarynda jaqsy tanys emes áıel senimine kirip, «bonýstyq jobaǵa tirkep beremin, qosymsha tabys tabasyzdar» dep kóndirgen. Sóıtip qarjy pıramıdalarynyń birine aqsha saldyryp, sońynda joq bolyp ketken.
Bir jyl boıy sandalǵan turǵyndar osy is boıynsha aýdandyq poıtseılerden kómek suraıdy.
Atalǵan jaıt QR QK 190-baby boıynsha tirkelip, qylmystyq is qozǵaldy.
Qylmysty ashyp, turǵyndardy san soqtyrǵan áıeldi ustaý maqsatynda polıtsııa bóliminde tájirıbeli qyzmetkerlerden jedel-tergeý toby quryldy. Polıtsııa qyzmetkerleri jedel-izdestirý is-sharalarynyń nátıjesinde kúdiktini ustady. Ol buryn sotty bolǵan jergilikti turǵyn bolyp shyqty.
Tergeý barysynda polıtsııa qyzmetkerleri ustalǵan azamattyń 11 alaıaqtyq deregine qatysy baryn anyqtady. Jábirlenýshilerge kelgen shyǵyn kólemi 3,5 mıllıon teńgege jýyqtaıdy.
Qazirgi ýaqytta atalǵan jaıt boıynsha sotqa deıingi tergeý júrgizilýde. Kúdikti qolhatpen bosatylǵan.
