Saryaǵash turǵyndaryna «Eńbek» memlekettik baǵdarlamasy túsindirildi

SARYAǴASh. QazAqparat – Túrkistan oblysy Saryaǵash aýdanynda aýyl turǵyndaryna «Eńbek» memlekettik baǵdarlamasy jan-jaqty túsindirildi, dep habarlaıdy QazAqparat tilshisi.

Derbisek aýyldyq okrýginde ótken keńeste jergilikti halyqqa baǵdarlamanyń ekinshi baǵyty sheńberinde qarjylaı múmkindikterdi arttyrý máseleleri aıtyldy.

Semınar barysynda aýyl sharýashylyǵy salasyndaǵy tamshylatyp sýǵarý mamandyǵy boıynsha úı baqshasynda sýbtropıkalyq daqyl ósirý, kóshet óndirý kásibin bastaý úshin azamattardyń bilimin jetildirý jaıy qamtyldy.

«Saryaǵash - jer syıy» jaýapkershiligi shekteýli seriktestiginiń basshysy T.Shyntasov pen aýdandyq jumyspen qamtý ortalyǵynyń mamandary jáne oblystyq kásipkerler palatasy Saryaǵash aýdandyq fılıalynyń dırektory A.Musabekov qatysýshylarǵa birqatar túsindirme jumystaryn júrgizdi.

Qatysýshylar qoıǵan suraqtar men usynystar tyńdalyp, zań aıasynda tolyqqandy jaýap berildi. Memlekettik baǵdarlamanyń turǵyndarǵa tıgizer paıdasy men tıimdi tustary baıandaldy. Baǵdarlama arqyly tabysqa qol jetkizýdiń joldary tarqatyldy.