Saryaǵash-Tashkent baǵytynyń júktemesin azaıtýdyń ádisi tabyldy

NUR-SULTAN. QazAqparat – Saryaǵash-Tashkent baǵytynyń júktemesi Darbaza-Maqtaral jelisi arqyly azaıtylmaq. Úkimet otyrysynda QTJ tóraǵasy Nurlan Saýranbaev, dep habarlaıdy QazAqparat tilshisi.

«Byltyr júk aınalymy 239,3 mlrd tonno-shaqyrymǵa jetti. Bul táýelsizdik jyldaryndaǵy eń joǵarǵy kórsetkish. Al, tranzıt – 39,6 mlrd tonna-shaqyrymǵa, artyp, ótken jylǵy deńgeıden 2% kóbeıdi. Jalpy kompanııanyń tabysy 120,6 mlrd teńgege jetti. Bul aldyńǵy jyly túsken paıdamen salystyrǵanda 7,4 ese kóp. Aqpanda QTJ qyzmetkerleriniń ortasha jalaqysy 273 myń teńge boldy», - dedi kompanııa basshysy.

Sondaı-aq Óbekstanmen aradaǵy alys-beris pen barys-kelstiń artýyna baılanysty jańa marshrýt ashylatynyn atap ótti.

«Qazirgi ýaqytta biz Saryaǵash – Tashkent negizgi temirjol ýchaskesiniń qoldanystaǵy ınfraqurylymy óziniń shegine jetkenin kórip otyrmyz. Saryaǵash stantsııasy men Saryaǵash – Tashkent ýchaskesiniń júktemesin azaıtý úshin Darbaza – Maqtaaral temirjol jelisin salý týraly sheshim qabyldandy. Bul jelini salý - júk aǵynyn júıeli túrde damytýǵa múmkindik berip qana qoımaıdy, sonymen birge halqy tyǵyz qonystanǵan jáne agrarly-ónerkásipti aýdandy temirjoldyń negizgi jelisimen baılanystyrady», - dedi Nurlan Saýranbaev.