«Saryaǵash» shıpajaıy satylymǵa shyǵarylady
ASTANA. QazAqparat - «Saryaǵash» shıpajaıyn satý boıynsha saýda-sattyq 27 naýryzda tańǵy saǵat 10-da bastalady, dep habarlaıdy «QazAqparat» HAA tilshisi.
Emdeý-saýyqtyrý kesheni elektrondyq saýda arqyly satylady. Bul aqparat gosreestr.kz saıtynda jarııalandy. Bastapqy baǵa - 3 mıllıard 414 mıllıon 181 myń teńge. Kepildik jarna 500 mıllıon teńgeni quraıdy.
Kelisimniń sharty boıynsha satyp alýshy nysannyń naryqtyq qunynyń 50 protsenti kóleminde ınvestıtsııa quıýy kerek. Budan bólek áleýetti ıelenýshi jumys oryndaryn saqtaı otyryp, taǵy 30 oryn ashýy tıis. Tenderlik sharttyń tizimi 12 tarmaqtan quralǵan. Qazir shıpajaı OQO qarjy basqarmasynyń teńgeriminde tur.
Eske salaıyq, tender 2017 jyldyń 12 jeltoqsanynda memlekettik múlik tirkeliminiń veb-portalynda ótýi tıis bolǵan.
Foto sariagash.kz
