Saryaǵash shekara otrıadynyń 200-den astam jaýyngeri uzdik qyzmetteri úshin marapattaldy

ASTANA. QazAqparat - Berilgen tapsyrmany oıdaǵydaı oryndaǵandary úshin Saryaǵash shekara otrıadynyń 240 jaýyngeri ІІ dárejeli «Shekara qyzmetiniń úzdigi» tósbelgisimen nagradtaldy.

QR UQK Shekara qyzmetiniń 2020 áskerı bóliminiń saptyq alańqaıynda úzdik eńbek etken ınjenerlik-saperlyq bazasynyń áskerı qyzmetshileri marapttaldy. «Ońtústik» óńirlik basqarmasynyń bastyǵy polkovnık A.Qalıev tósbelgini árbir jaýyngerge óz qolymen tapsyrdy.

Qazaq-ózbek shekarasynda ózindik orny bar Saryaǵash shekara otrıadynyń shekaralyq shepteriniń arnaýly spıraldi kedergileri jańartyldy. Eski kedergi qurylǵysyna qaraǵanda qazirgi kedergi qurylǵysynyń ózindik erekshelikteri bar. Qazirgi zamanǵy qurylǵyny endi shekara buzýshylardyń kesip ótý ońaı emes.

QR UQK ShQ-nyń baspasóz qyzmetiniń habarlaýynsha, polkovnık A.Qalıev arnaýly qurylǵylardyń erekshelikterine toqtala kelip, ony sapaly ornatýǵa úles qosqan shekarashy sarbazdardyń jaýapkershilikterine basshylyq atynan alǵysyn jetkizgdi.