Saryaǵash pen túlkibastyq kásipkerler aýrýhanalarǵa tynys alý quraldaryn tabystady
TÚRKІSTAN. QazAqparat – Túrkistan oblysyndaǵy Saryaǵash pen Túlkibas aýdandaryndaǵy aýrhanalarǵa ondaǵan tynys alý quraldary tabystaldy. Oblystyq máslıhattyń depýtaty Almas Salımovtyń uıymdastyrýymen Saryaǵash aýdanynyń ortalyq aýrýhanasyna 5dana ottegi kontsentratoryn syıǵa tartyldy, dep habarlaıdy QazAqparat tilshisi.
Buǵan deıin atalǵan aýdandyq ortalyq aýrýhanaǵa demeýshilerdiń kómegimen 30 ottegi kontsentratory tabystalǵan bolatyn. Al, túlkibastyq kásipker Beıbit Týleshev «Nur Otan» partııasynyń iske asyryp jatqan «Ómir» jáne «Shıpa» jobalary aıasynda ortalyq aýrýhanaǵa eki jasandy tynys alý apparatyn tartý etti.
Sondaı-aq, jeke alma baýynyń bir kúndik terilgen ónimin aýrýhana qyzmetkerlerine men em qabyldap jatqan naýqastarǵa taratty.
Aıta keterligi, pandemııa kezinde túlkibastyq eriktiler ottegi kotsentratorynyń 42 danasy men 360 dana arnaıy medıtsınalyq qorǵanysh kıimin, 210 dana ottegi balony men 5 dana kir jýý mashınasyn, 22 pýlsoksımetr men kvarts lampalaryn tabystaǵan bolatyn.
