Saryaǵash pen Maqtaaraldyń arasyn jalǵaıtyn temirjol salynady

TÚRKІSTAN. QazAqparat- Túrkistan oblysynda «Darbaza-Maqtaaral» temirjoly salynady. Bul týraly Túrkistan oblysynyń ákimi Darhan Satybaldy Maqtaaral turǵyndarymen kezdesýinde málimdedi, dep habarlaıdy QazAqparat tilshisi.

Aldaǵy ýaqytta Maqtaaralda júgeriden 29 túrli ónim shyǵaratyn zaýyt ashylady.

Búginde bul baǵytta uıymdastyrý, qujattandyrý jumystary júrip jatyr.

Joba júzege asqanda júzdegen jańa jumys orny ashylady dep kútilýde.

Sondaı-aq, Túrkııadan joǵary sapaly shıtti maqta tuqymyn alyp kelý úshin kelisimshart jasalǵan. Bul maqtaly óńirde ósiriletin maqta sapasyn arttyratyny anyq.

Túrkistan oblysy ákimi aýdandy damytý baǵytynda atqarylǵan jumystarmen jáne aldaǵy ýaqytta atqarylatyn josparkarmen tanystyrdy.

«Maqtaaraldyń áleýeti joǵary. Munda eńbekqor halyq turady. El Prezıdentiniń tapsyrmasymen «Darbaza-Maqtaaral» temirjolynyń qurylysy júredi. Saıası sheshim qabyldanyp, ekonomıkalyq jáne tehnıkalyq negizdemesi ázirlenýde. Bul bastama aımaqtyń damýyna tyń serpin beredi», – dedi Darhan Satybaldy.