Saryaǵash oqýshylary qurylysy bitpegen mektepte bilim alyp júr
Jańa oqý jyly bastalǵanymen Saryaǵash aýdanynda ornalasqan I. Panfılov atyndaǵy mekteptegi qurylys jumystary áli aıaqtalmady. Áleýmettik jelide taraǵan vıdeodan mekeme ishinde qurylys zattary shashylyp jatqanyn, al qurylysshylar jumys istep júrgenin kórýge bolady. Degenmen, búgin atalǵan mektepke oqýshylar sabaqqa bardy.
Túrkistan oblysy Bilim basqarmasynyń baspasóz qyzmetinen málim etkendeı, jóndeý jumystary josparǵa sáıkes 15 qyrkúıekke deıin tolyǵymen aıaqtalady. Al mekeme ishindegi jumystar balalardyń bilim alýyna kedergi keltirmeıdi. Syrtqy jumystar júrgizilip jatqan jerler qaýipsizdik maqsatynda qorshalmaq. Kesteden keshikken merdigerdiń qujattary tıisti organdarǵa berilip, aıyppul da salynǵan.
«2-3 qyrkúıektegi demalys kúnderi merdigerler mektep ishin árleý, syrlaý jumystaryn júrgizdi. 1 qyrkúıek kúni mektepte dástúrli túrde qońyraý soǵylyp, oqýshylarmen tárbıe saǵattary ótkizildi. Sonymen qatar bilim ordasynda búginnen bastap dástúrli túrde sabaq ótýde. Іshki jumystar tolyǵymen aıaqtaldy. Qazirgi tańda, balalardyń oqý protsesine kedergi keltirmeıtin jumystar júrgizilip jatyr», - delingen Túrkistan oblysy Bilim basqarmasynyń baspasóz qyzmeti usynǵan aqparatta.
