Saryaǵash kýrortynda jergilikti turǵyn jasyryn kazıno ashqan
SARYAǴASh. QazAqparat – Túrkistan oblysy Saryaǵash aýdanynda jergilikti turǵynnyń jasyryn kazıno ashqany anyqtaldy. Kókterek aýylynyń turǵyny oıynhana jumysyn zańsyz júrgizip, tabys taýyp otyrǵan, dep habarlaıdy QazAqparat tilshisi.
Túrkistan oblysy boıynsha memlekettik kirister departamenti baspasóz qyzmetiniń málimetinshe, zańsyz kazıno kezekti reıd kezinde tabylǵan.
«Saryaǵash aýdandyq memlekettik kirister basqarmasynyń qyzmetkerleri zańsyzdyqqa reıd barysynda kezikken. Qazaqstan Respýblıkasynyń 2007 jylǵy 12 qańtardaǵy №219 «Oıyn bıznesi týraly» zańyn buzǵan azamat A.Qulajanovqa qatysty qujattar Saryaǵash aýdanynyń prokýratýrasyna joldandy» delingen habarlamada.
Aıta keteıik, onlaın rejımde KKM ornatý boıynsha reıdter qazir Túrkistan oblysynyń barlyq aýdandarynda júrgizilýde. Reıd kezinde mamandar bazarlardy, dúkender men dárihanalardy, taǵy basqa obektilerdi tekseredi.
Osy rette Saryaǵash óńirine de erekshe kóńil bólinbek. Óıtkeni munda kóptegen kýrorttyq oryndar shoǵyrlanǵan.
