Saryaǵash keden beketinde tárkilengen taýarlardy tonap ketti
TÚRKІSTAN. QazAqparat - Túrkistan oblysyndaǵy Saryaǵash keden beketinde tárkilengen taýarlardy belgisiz bireýler tonap ketken. Betine betperde kıgender túngi saǵat úshte qoımaǵa basa-kóktep kirip, qurǵaq jemisterdi qoldy etken, dep habarlaıdy QazAqparat tilshisi.
Oblystyq MKD baspasóz qyzmetiniń málimetinshe, keptirilgen jemister Ózbekstan Respýblıkasynan Qazaqstanǵa jol tartqan temirjol vagonynan tabylǵan. 11 jeltoqsan kúni eki júk vagonyn tekserý barysynda deklaratsııalanbaǵan 90 830 keli jemis daqyldary anyqtalǵan. Taýardyń jalpy quny - 27 mln teńge. Al, 13 jeltoqsan kúni taǵy da osyndaı deklaratsııalanbaǵan jemis daqyly tárkilendi. Ondaǵy taýardyń quny 28 mln teńge bolǵan. Qoımaǵa urlyqqa túskender osy jemisterdiń sonda turǵanyn bilgen.
«15 jeltoqsan kúni túngi saǵat 03:40-ta ÝSQ aýmaǵynda betperde kıgen 4 adam shyǵys qaqpadaǵy qulyptardy buzyp jáne ÝSQ qyzmetkerlerine qaýip tóndirip, taýarlardy zańsyz alyp ketti. Іshki ister organdary qyzmetkerleri jedel izdestirý sharalary nátıjesinde taýardyń qaıda ekenin anyqtap, ári qaraı ÝSQ-na ornalastyryldy» delingen habarlamada.
Qazirgi tańda qoımany tonaǵandar ustalyp, olarǵa qatysty tergeý amaldary júrip jatyr.
