Saryaǵash qalasynda «Aq halatty abzal jandar» alleıasy ashyldy
SARYAǴASh. QazAqparat - Túrkistan oblysy Saryaǵash aýdanyndaǵy ortalyq aýrýhananyń aldynda «Aq halatty abzal jandar» alleıasy ashyldy. Bul shara dárigerlerdiń pandemııa kezindegi jankeshti eńbegine alǵys retinde uıymdastyryldy, dep habarlaıdy dárigerlerdiń pandemııa kezindegi jankeshti eńbegine alǵys retinde tilshisi.
Alleıanyń ashylý saltanatyna oblystyq Qoǵamdyq densaýlyq basqarmasynyń basshysy Marat Pashımov pen Saryaǵash aýdanynyń ákimi Muhıt Otarshıev, depýttar men medıtsına salasynyń ardagerleri, dárigerler men BAQ ókilderi qatysty.
«Búgin – aq halatty abzal jandarǵa qurmet kórsetilgen kún. Pandemııanyń alǵashqy kúnderinen-aq elimiz birigip, indetti jeńýge jumyldy. Qıyn jaǵdaıda medıtsına qyzmetkerleri aldyńǵy qatarda kúreskenderdiń sapynda boldy. Búgingi ashylǵan «Aq halatty abzal jandar» alleıasy asa qaýipti indetpen betpe-bet kelgen medıtsına salasy qyzmetkerleriniń qurmetine arnalady. Bul – el qurmetiniń belgisi», – dedi Qoǵamdyq densaýlyq basqarmasynyń basshysy Marat Pashımov.
Alleıada aýdan turǵyndarynyń demalyp, boı sergitýge yńǵaıly oryndyqtar, túngi jaryqtandyrý shamdary ornatylǵan. Arsha, aqqaıyn kóshetteri otyrǵyzylǵan. Alleıa ortasynan «Ardaqty ardagerler» jáne «Ózgeniń ómirin arashalaımyn dep, óz ómiri qıǵan aq halatty abzal jandar» taqtaıshalary ornatylǵan.
Jıyn barysynda pandemııa kezinde indetpen kúresýde jankeshtilik tanytyp, qaıtys bolǵan medıtsına qyzmetkerleriniń otbasylaryna syı-syıapattar tapsyryldy. Aıta keteıik, óńirde koronavırýs indetine qarsy kúresýge baǵyttalǵan 44 aýrýhana men emhana, ońaltý ortalyqtary men sanatorııalar qyzmet kórsetip jatyr. Sonymen qatar 27 BMSQ, 190 dárigerlik ambýlatorııa, 266 feldsherlik-ambýlatorııa jáne 210 medıtsınalyq pýnkt bar. Qazirgi tańda da indetke qarsy kúres báseńdegen joq. Jaǵdaı sala mamandarynyń baqylaýyna alynǵan.
