Saryaǵash aýdanynyń kıkboksshylary Qyrǵyzstannan jeńispen oraldy
SARYAǴASh. QazAqparat - Qyrǵystan Respýblıkasynda kıkboksıngten sporttyq klýbtar men jasóspirimder arasynda Azııa chempıonaty ótti.
Atalmysh chempıonatqa Saryaǵash aýdanynyń «Qajymuqan atyndaǵy balalar men jasóspirimder sport mektebiniń» komandasy qatysyp, júldeli oryndarmen oraldy, dep habarlaıdy QazAqparat tilshisi.
Atap aıtqanda, ártúrli salmaq dárejesinde saıysqa túsken Erasyl jáne Nurasyl Ergeshbaı júldeli 1-oryn, Bekarys Talıp 2-oryn, al, Aqarys Talıp 3-orynǵa qol jetkizgen.
Jalpy jarysqa Saryaǵash aýdanynan 5 sportshy attanǵan bolatyn. 300-den asa sportshy qatysqan jarysta Saryaǵash aýdanynyń aǵaıyndy-egizderi osylaısha altynnan alqa taǵynyp, jeńispen oraldy.
Tabandylyq tanytyp, Azııa chempıonatynda elimizdiń mereıin ústem etken jas sportshylarǵa erekshe qurmet kórsetildi.
