Saryaǵash aýdanynyń qarııalary kıeli jerlerdi aralady

SARYAǴASh. QazAqparat – Túrkistan oblysy Saryaǵash aýdanynyń qarııalary kıeli jerlerdi aralady. Zeınet jasyndaǵy aýdan turǵyndary Túrkistan jáne alashtyń tórtinshi astanasy bolǵan Syr óńirindegi kıeli jerlerge sapar shegip, onda jatqan babalar rýhyna taǵzym etip qaıtty, dep habarlaıdy QazAqparat tilshisi.

Eldiń bolashaǵy úshin baryn salyp aıanbaı eńbek etken ardagerlerge qurmet kórsetý maqsatynda uıymdastyrylǵan sapar aýdan ákimi M.Otarshıevtyń muryndyq bolýymen uıymdastyryldy.

Saryaǵash óńiriniń ardager-qarııalary túrki áleminiń astanasy saparlaryn Ahmet ıAssaýıdiń ákesi, Saıramnyń soltústik-shyǵysynda oryn tepken- Ibragım ata kesenesinen bastady. Sonan soń, XIX ǵasyrda boı kótergen Qarashash ana kesenesine baryp, tús aýa musylman qaýymy úshin kıeli oryn sanalatyn ári

Alash jurtynyń zııarat etetin qasıetti mekeni Arystan babtyń kesenesine at basyn tiredi. Rýhanı sapar barysynda kesene janyndaǵy emdeý qasıeti bar qudyqtan sý iship, Arystan bab babanyń tarıhymen tanysty. Dittegen jerge sharshamaı jetken zııaratshylar arnaıy mal shalyp, baba rýhyna quran baǵyshtady.

Munymen qosa, Qoja Ahmet asaýıdiń jáne Qorqyt ata kesenelerinde bolyp, «Oqshy ata» mazaratyn kórip qaıtty. Sapar barysynda qasıetti topyraqqa jerlengen qazaqtyń ıgi jaqsylarynyń rýhyna taǵzym jasady.