Saryaǵash aýdanynyń ákimi jańa alańda balalarmen birge dop tepti
ShYMKENT. QazAqparat - Ońtústik Qazaqstan oblysy, Saryaǵash aýdanynda «Sońǵy qońyraý» kúni sport alańshalary ashyldy.
Saryaǵash qalasy men Qurkeles aýyldyq okrýginde jańadan salynǵan alańshalardyń saltanatty ashylýyna aýdan ákimi Qaırat Ábdýalıev qatysty, dep habarlaıdy QazAqparat HAA tilshisi.
Saryaǵash qalasyndaǵy móltek aýdanda boı kótergen alańshada Qaırat Ábdýalıev oqýshylarmen birge dop teýip, oıyndardy bastap berdi. Aýdanda jastardy sportqa tartý jónindegi tapsyrmalarǵa sáıkes, kásipkerlerdiń demeýshiligimen 8 sport alańshasy salyndy. Al, bıylǵy jyly oqýshylardy jazǵy demalys kezinde sportqa baýlý qajettigi eskerilip, jergilikti bıýdjet esebinen bir úlgidegi 7 sport alańshasynyń qurylysy júrgizilýde. Birqatary tapsyrylý ústinde.
Aıta keteıik, alańshalar Saryaǵash qalasynda (2), Abaı aýylynda (1), Qurkeles aýyldyq okrýginde (2), Derbisek aýylynda (1), Jibek joly (1) aýyldarynan salynýda. Budan bólek demeýshiler esebinen jyl sońyna deıin taǵy 4 sporttyq alańsha paıdalanýǵa berilmek.
