Saryaǵash aýdanynyń ákimi aýyl turǵyndarynyń jaǵdaıymen tanysty
SARYAǴASh. QazAqparat - Túrkistan oblysyna qarasty Saryaǵash aýdanynyń ákimi Muhıt Otarshıev Darbaza aýyldyq okrýgin aralap, turǵyndardyń jaǵdaıymen tanysty. Jegilikti kásipkerlik nysandaryn kórip, isker azamattardyń usynystaryn tyńdady, dep habarlaıdy QazAqparat tilshisi.
Aldymen aýyldyq okrýgte ornalasqan «Saryaǵash-Qus» JShS qus fabrıkasynyń jumysyn kórgen aýdan ákimi kásiporynnyń aldaǵy josparlarymen tanysty. Atalmysh fabrıkada qazirgi tańda 44 myń qus ósirilýde. 2018 jyly óndirilgen ónim 7,8 mln dana jumyrtqany qurasa, aldaǵy ýaqytta onyń kólemin jylyna 12 mln jumyrtqaǵa jetkizý josparlanýda. Qazirgi kezde qus fabrıkasynda 13 adam turaqty jumyspen qamtylǵan. Budan soń, aýdan ákimi «Sharkul Food» asyl tuqymdy mal sharýashylyǵyna baryp, qojalyqtyń atqaryp jatqan jumystarynyń jaǵdaıymen tanysty.
120 bas sút beretin iri qara mal ósiretin sharýashylyqta búgingi tańda 20 adamdy turaqty jumyspen qamtylǵan. Muhıt Otarshıev sapary barysynda sondaı-aq, aýyldyq okrýg ákimi apparatynyń qyzmetkerlerimen kezdesti. Basqosý barysynda aýdan basshysy aýyldyq okrýgte shoǵyrlanǵan ózekti máselelerdi zań aıasynda sheshý joldaryn talqylap, ákimi men jaýapty mamandaryna jergilikti turǵyndarymen árqashan baılanys ornatý kerektigin atap ótti. Óz mindetterine jaýapty bolyp, halyqtyń ótinish pikirlerin eskerip otyrýdy tapsyrdy.
