Saryaǵash aýdanynda jylyna úsh ret ónim alý jobasy qarqyndy júrip jatyr
SARYAǴASh. QazAqparat – Túrkistan oblysy, Saryaǵash aýdanynda jylyna úsh ret ónim alý jobasy boıynsha qarqyndy jumys júrgizilip jatyr. Bul týraly aýdan ákimi Muhıt Otarshıev oblys ákimi Ómirzaq Shókeevtiń tóraǵalyǵymen ótken beınebaılanys rejıminde ótken májiliste atap ótti, dep habarlaıdy QazAqparat tilshisi.
Aýdannyń aýyl sharýashylyǵy salasynda atqarylyp jatqan jumystar boıynsha baıandama jasaǵan Muhıt Otarshıev 92 sharýa qojalyǵynyń 910 ga egistik jerinen jylyna 2-3 ónim alý josparyn iske asyrý boıynsha atqarylyp jatqan jumstar týraly baıandady.
«Búgingi tańǵa 36704 tonna kartop, oramjapyraq, qyzanaq, qııar jınap alyndy. Sharýalarymyzdyń qajyrly eńbeginiń arqasynda aýdan oblys kóleminde birneshe ret ónim alý jobasyn iske asyrýda kósh bastady. Endigi kezekte 379 sharýa qojalyq ıeleri 860 ga jerge 2-shi ónim egý jumystaryn júrgizse, al qalǵan sharýa qojalyqtar ekinshi ónimdi egý jumystaryna qyzý daıyndyq jasaýda. Joba aıasynda jumys júrgizýge jalpy 399 sharýa qojalyǵy nıet bildirip, egis kólemi 917,6 ga bolatyn ınnovatsııalyq jobalar iske asyrylýda»,- dedi Muhıt Otarshıev.
Aýdan ákimi sonymen qatar, úı irgelik jerlerge tamshylatyp sýarý ádisin qoldaný arqyly ónim alý jobasy da sátti iske asyrylyp jatqanyn aıtyp ótti.
«Atalǵan jobaǵa Derbisek jáne Jemisti aýyldyq okrýgterine qarasty aǵyn sýy joq eldimekenderdiń ataýly áleýmettik kómek alǵan, az qamtylǵan, áleýmettik jaǵdaıy tómen otbasy músheleri qatysyp otyr. Olar ózderiniń bıznes jobalaryn usynǵan. Atalǵan azamattarǵa memleket tarapynan 555 myń teńge kóleminde qarjylaı grant bólingen. Tamshylatyp sýarý arqyly ónim alýdyń tıimdiligi sý resýrstaryn tıimdi paıdalanýǵa múmkindk beredi»,- dedi Muhıt Otarshıev.
