Saryaǵash aýdanynda jol jóndeý jumystary qarqyndy júrgizilýde
SARYAǴASh. QazAqparat – Túrkistan oblysy, Saryaǵash aýdanynda jol jóndeý jumystary qarqyndy júrgizilýde. Atap aıtqanda Saryaǵash qalasynyń ortalyq kósheleri men birqatar eldi mekenderdegi ishki joldar qalpyny keltirilýde, dep habarlaıdy QazAqparat tilshisi.
Aýdan ákimdiginiń málimetinshe, ótken jyly jalpy 24 kósheniń 45,7 shaqyrymyna ortasha jáne aǵymdaǵy jóndeý jumystary júrgizilgen. Osylaısha jaqsy jáne qanaǵattanarlyq joldardyń úlesi 42 paıyzǵa jetken bolsa, bıyl 42,8 shaqyrym kóshege ortasha jóndeý júrgizý josparlanyp otyr.
Sondaı-aq, «Aýyl - el besigi» baǵdarlamasy aıasynda respýblıkalyq bıýdjet esebinen Jartytóbe aýyldyq okrýginde 9 kósheniń 19,4 shaqyrymyna jáne Qablanbek aýyldyq okrýgindegi 15 kósheniń 17,8 shaqyrymyna ortasha jóndeý jumystary júrgiziletin bolady. Sondaı-aq, respýblıkalyq mańyzy bar A-15 avtojolynyń 190-197 shaqyrymy aralyǵyndaǵy 7 shaqyrym avtojoldy ortasha jóndeý jumystary júrgizilip jatyr.
Naýryz aıynan bastalǵan jol jóndeý jumystary shilde aıynda aıaqtalýy belgilengen bolsa, búgingi tańda merdiger mekeme tarapynan 2 shaqyrymnan astam jolǵa asfalt tóseý júzege asyrylǵan.
