Saryaǵash aýdanynda jol apatynan 4 adam qaza tapty
SARYAǴASh. QazAqparat - Túrkistan oblysy Saryaǵash aýdanynda jol apaty oryn alyp, 4 adam qaza tapty. Taǵy eki jolaýshy túrli jaraqattarmen aýrýhanaǵa túsken, dep habarlaıdy QazAqparat tilshisi.
Oblystyq PD baspasóz qyzmetiniń jetekshisi Saltanat Qarakózovanyń málimetinshe, jol-kólik oqıǵasy búgin tańerteń Jibek joly-Jetisaı tas jolynda oryn alǵan. «Lada» jeńil kóliginiń júrgizýshisi joldyń qarsy betine shyǵyp ketip, «Folksvagen-passat» kóligimen soqtyǵysqan. Saldarynan eki júrgizýshi men eki jolaýshy oqıǵa ornynda jantásilim etti. «Folksvagen-passat» kóliginiń taǵy eki jolaýshysy jedel járemmen aýrýhanaǵa jetkizilgen.
«Qazirgi tańda Saryaǵash aýdandyq PB sotqa deıingi tergeý jumysyn júrgizýde. Birqatar saraptamalar taǵaıyndaldy»,- deıdi Saltanat Qarakózova.
Aıta keteıik, jyl basynan beri oblys aýmaǵynda 337 jol-ólik oqıǵasy tirkelip, 85 adam qaza tapqan. Taǵy 463 adam túrli dene jaraqatyn alǵan.
