Saryaǵash aýdanynda joǵalǵan balany polıtseıler tapty
TÚRKІSTAN. QazAqparat – Túrkistan oblysy, Saryaǵash aýdanynda 10 synyp oqýshysy úıden óristegi sıyrlaryn kórip kelemin dep shyǵyp ketip, sodan qaıta oralmaǵan. Balany ata-anasy ózderi taba almaǵan soń, polıtsııaǵa shaǵymdanǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, atalǵan habarlama boıynsha Saryaǵash aýdandyq polıtsııa bóliminiń ınspektorlary Zamanbek Kóshbaev pen polıtsııa kapıtany Serik Darhanovtar tez arada jasóspirim balany tabýǵa kirisedi. Onyń barýy múmkin jerlerin tekserip, dostarynan, týystarynan, kórgen-bilgenderden surastyrady. Nátıjesinde polıtseıler jasóspirimniń júrgen jerin anyqtap, 25 shaqyrym qashyqtyqtaǵy týysynyń úıine barǵan. Ári balany sol úıden taýyp, ony anasyna din-aman kúıinde tabystady.
«Tergeý barysynda anyqtalǵandaı, joǵalǵan 10-synyp oqýshysy keshkisin dostarymen qydyryp ketken. Ózimen jasty týysynyń balasymen birge sonyń úıine baryp qonǵan. Óz kezeginde balasymen aman-esen qaýyshqan ana aýdandyq polıtseılerge alǵysyn bildirdi», - delingen habarlamada.
