Saryaǵash aýdanynda jarty mıllıard teńge bızneske baǵyttaldy
TÚRKІSTAN. QazAqparat - Túrkistan oblysy Saryaǵash aýdanynda pandemııanyń kúrdeli kezeńine qaramastan turǵyndardyń jumyspen qamtylýy qarqyndy júzege asyrylǵan. «Eńbek» memlekettik baǵdarlamasy sheńberinde ótken jyly 8 myńnan astam azamat jumyspen qamtý sharasyna qatysqan, dep habarlaıdy QazAqparat tilshisi.
Atqarylǵan aýqymdy jumystardyń nátıjesinde saryaǵashtyqtar qysqamerzimdi kásiptik oqytýdy aıaqtap, turaqty jumysqa ornalasqan. Kásipkerlikti damytý boıynsha «Atameken» QR Kásipkerleriniń Ulttyq palatasyna bilim alýǵa 2 myńǵa jýyq azamatqa joldama berilip, bastaý bıznes jobasy aıasynda bilim alǵan. 200-ge jýyq azamat onlaın oqyp, sertıfıkatqa qol jetkizgen. 100-den astam saryaǵashtyq 513 myń teńgeden shaǵyn nesıe alsa, 9 azamat jańa jumys ornyn ashqan.
J ańa bıznes jobalaryn júzege asyrý úshin 847 azamatqa 470 mln teńge memlekettik grant bólingen. Ótken jyldyń qorytyndysy boıynsha Saryaǵash aýdanynda «Jumyspen qamtý jol kartasy» baǵdarlamasy sheńberinde jumysqa ornalasqan 186 adamnyń teń jartysy jumyspen qamtý ortalyǵy arqyly kelgen.
Bıyl «Eńbek» memlekettik baǵdarlamasy sheńberinde 200 azamat áleýmettik jumys oryndaryna, 420 azamatty jastar praktıkasyna joldanǵan. 1200 azamat qoǵamdyq jumysqa joldaý josparlanyp otyr. Sonymen qatar, 200 azamatqa memlekettik grant berilmek.
