Saryaǵash aýdanynda «Túrkistannyń rýhanı kerýeni» kezdesýi ótti

ARYS. QazAqparat – Túrkistan oblysynyń Saryaǵash aýdanynda «Túrkistannyń rýhanı kerýeni» kezdesýi ótti, dep habarlaıdy QazAqparat tilshisi.

Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy aıasynda uıymdastyrylǵan sharaǵa Qazaqstannyń 4 dúrkin jeńimpazy, Azııa chempıony, túrli halyqaralyq birinshilikterdiń júldegeri, Qazaqstan Respýblıkasynyń eńbek sińirgen sport sheberi Aqjúrek Tańatarov, ánshi, Qazaqstan Respýblıkasynyń eńbek sińirgen qaıratkeri Saıat Medeýov jáne Jetisaı aýdanynyń bas ımamy Bekzat Syzdyqov qatysty.

Túrkistan oblystyq qoǵamdyq damý basqarmasynyń uıymdastyrýymen ótken sharada aýdan turǵyndarynyń mádenı jáne patrıottyq sezimderin qalyptastyrý men destrýktıvti dinı aǵym jaqtastaryn qazaqstandyq qoǵam qundylyqtaryna beıimdeý, memleket pen din araqatynasyndaǵy zaıyrlylyq ustanymy boıynsha aýdan turǵyndaryn aqparattandyrý máseleleri sóz boldy.

Jıynda el maqtanyshtary jastarǵa óz tájirıbelerimen bólise otyryp, ómirlik keńesterin berdi. Jarqyn bolashaqqa birge qadam basýǵa úndedi. Aqjúrek Tańatarov áserli áńgimelerimen jas sportshylardyń sportqa degen qyzyǵýshylyǵyn arttyrdy. Aýdan turǵyndarymen qýana qaýyshqan Saıat Medeýov án shashýyn tartý etti.