Saryaǵash aýdanynda tótenshe jaǵdaılardyń aldyn alý máseleleri talqylandy
SARYAǴASh. QazAqparat – Túrkistan oblystyq Tótenshe jaǵdaılar departamentiniń bastyǵy, azamattyq qorǵaý polkovnıgi Nurǵalı Júnisov Saryaǵash aýdanynda jeke qabyldaý ótkizdi.
Kezdesýge kelgen turǵyndar birqatar ózekti másele boıynsha saýaldaryn qoıdy, dep habarlaıdy QazAqparat tilshisi.
Qabyldaýǵa kelgen azamattar shalǵaı eldi mekenderge órt sóndirý beketterin salý men jumysqa qabyldaý tártibi jóninde, Samal-3 móltek aýdanynda jańadan tabıǵı gaz qosylýyna baılanysty qaýipsizdik sharalary týraly ótinishterin jetkizdi. Sondaı-aq, Keles aýdanyndaǵy órt sóndirý máseleleri, Jylǵa aýylynda sý basýǵa jol bermeý boıynsha jáne aldyn alý sharalary týraly surady.
Azamattarmen kezdesýde sondaı-aq, tótenshe jaǵdaılar qyzmetindegi eń ózekti máseleler talqylandy. Azamattardyń shaǵymdary men suraqtaryna tolyǵymen ári naqty jaýaptar berildi.
Oblystyq TJD bastyǵy turǵyndarǵa osy salaǵa qatysty kez-kelgen máseleler boıynsha aýdandyq bólimderge shaǵymdanýǵa bolatynyn atap ótti.
