Saryaǵash aýdanynda «Tatýlasý ortalyǵy» ashyldy
SARYAǴASh. QazAqparat – Túrkistan oblysy, Saryaǵash aýdanynda «Tatýlasý ortalyǵy» ashyldy, dep habarlaıdy QazAqparat tilshisi.
Qazaqstan Respýblıkasy Joǵary Sotynyń «Otbasylyq sot» pılottyq jobasy aıasynda ashylǵan ortalyq azamattar úshin medıatordyń, advokattyń, sot atqarýshysynyń, notarıýstardyń, pedagog pen psıhologtardyń, aqsaqaldar keńesi men quqyq qorǵaý organdarynyń qyzmetin atqaratyn alań bolmaq.Ortalyqtyń ashylý saltanatyna aýdan ákimi M.Otarshıev pen aýdandyq sottyń tóraǵasy T.Mashrapov, qoǵam qaıratkeri Orazkúl Asanǵazyqyzy men jergilikti atqarýshy organdardyń basshylary, ardagerler men bıler keńesi, medıator, psıhologtar jáne jastar qatysty. Aýdan ákimi M.Otarshıev óz sózinde tatýlasý ortalyǵynda bıler keńesi men zańger, medıatorlardyń, psıhologtardyń adamdarǵa daýdy beıbit túrde sheshý úshin qajet barlyq qyzmetterdi biriktirilip otyrǵanyn atap ótti. Sonymen qatar, sottyń jumysyn jeńildetip, renjiskenderdi retin taýyp tatýlastyratyn joba ekenin jetkizdi.Aıta keteıik, jańadan ashylǵan tatýlastyrý ortalyǵy elge paıdaly, halyq arasynda túsindirý, kelistirý jumystaryn durys uıymdastyryp, kópshilik kóńilinen shyǵady dep kútilýde.
