Saryaǵash aýdanynda stýdentterge arnalǵan jańa jataqhana paıdalanýǵa berildi
NUR-SULTAN. QazAqparat - Túrkistan oblysy Saryaǵash aýdanyndaǵy «Arystanbab» joǵary kolledjinde stýdentterge arnalǵan 100 oryndyq jańa jataqhana paıdalanýǵa berildi, dep habarlaıdy QazAqparat.
Túrkistan oblysy ákiminiń baspasóz qyzmetiniń málimetine saı, 2019 jyly zamanaýı úlgide boı kótergen jańa nysan barlyq jabdyqtarmen qamtamasyz etilgen. Eki qabatty nysannyń árbir bólmesi tórt adamǵa arnalǵan. Bólmelerdiń ishi jıhazben jabdyqtalyp, jýynatyn bólme salynǵan.
Ǵımarattyń ashylý rásimine arnaıy qatysqan aýdan ákimi Muhıt Otarshıev jańa jataqhananyń salynýy stýdentter úshin mańyzdy ekenin aıtty.
«Jańa ǵımarat stýdentterdiń oqýyna jəne óz ýaqyttaryn jaıly jaǵdaıda ótkizýlerine múmkindik beredi. Shalǵaı aýyldardan kelip bilim alatyn stýdentter úshin barlyq jaǵdaıdy jasaýymyz qajet. Oqý ordasynyń stýdentteri bilimdi jáne beldi maman bolatynyna senemin», – dedi ol.
Aıta keteıik, qazirgi tańda atalǵan kolledjde jastar 12-gýmanıtarlyq jáne medıtsınalyq mamandyqtar boıynsha bilim alýda. Bolashaqta maman bolatyn 1141 stýdentke 70 oqytýshy dáris berýde.
