Saryaǵash aýdanynda shákirtteri UBT-dan joǵary ball jınaǵan ustazdar marapattaldy
SARYAǴASh. QazAqparat – Túrkistan oblysy, Saryaǵash aýdanynda «Jahandyq qundylyqtar jáne Qazaqstandyq bilim men ǵylymnyń sapasy» taqyrybynda tamyz keńesi ótti.
Pedagogtar basqosqan jıynda bilim salasynda bolyp jatqan jańa ózgerister men ózekti máseleler, ony sheshý joldary men tárbıe, bilim sapasyn kóterý sııaqty basty mindetter talqylandy, dep habarlaıdy QazAqparat tilshisi.
Keńeske aýdan ákiminiń orynbasary Smaıl Tasqulov pen oblystyq adamı áleýetti damytý basqarmasynyń bas mamany Z.Altaeva, bilim berý uıymdarynyń basshylary men ustazdar, kásipodaq uıymdarynyń tóraǵalary men ata-analar komıtet tóraǵalary qatysty.
Jıynda mektep oqýshylaryna sapaly bilim alýǵa qajetti jaǵdaı jasaý men bilim deńgeıin kóterý, mamandar áleýetin arttyrý men bilim mazmunyn jańartý, Qazaqstandyq bilim berý júıesiniń damý strategııasyn aıqyndaý jaıy talqylandy.
Alǵy sózdi alǵan aýdan ákiminiń orynbasary Smaıl Tasqulov ótken oqý jylyndaǵy jetistikter men nátıjelerdi atap ótti. Bilim bóliminiń basshysy Baýyrjan Maırıhov 2018-2019 oqý jylynda atqarylǵan jumystar men jańa oqý jylynyń maqsattary men mindetterin baıandady. Sondaı-aq Tamyz keńesinde UBT-dan joǵarǵy kórsetkishke qol jetkizgen mektep basshylary men aýdanymyzdyń úzdik pedagogtaryna aýdan ákiminiń alǵys hattary tabys etildi.
