Saryaǵash aýdanynda Prezıdent Joldaýy keńinen nasıhattaldy

SARYAǴASh. QazAqparat – Túrkistan obysy Saryaǵash aýdanynda Qazaqstan Respýblıkasy Prezıdenti Q.Toqaevtyń «Syndarly Qoǵamdyq Dıalog – Qazaqstannyń Turaqtylyǵy men Órkendeýiniń Negizi» atty Qazaqstan halqyna Joldaýyn nasıhattaý jıyny ótti, dep habarlaıdy QazAqparat tilshisi.

Aýdannyń ishki saıasaty bóliminiń uıymdastyrýymen jáne «Jalyn» jastar uıymy» qoǵamdyq birlestiginiń bastamasy negizinde ótken jıynǵa mádenıet salasy men bilim berý uıymdarynyń qyzmetkerleri, jastar jáne aýdan turǵyndary qatysty. Basqosýda jıynǵa qatysýshy azamattar Joldaýdaǵy máselelerdiń sheshýin aıqyndaıtyn 5 baǵyt boıynsha baıandama jasady. Jaryssózge shyqqan aýdan turǵyndary árbir kúni qarbalas tirshilikke toly táýelsizdik jyldarynda qol jetkizgen jetistikterimizdi dáriptep, saqtap qalýǵa jáne ári qaraı damytýǵa shaqyrdy. Sondaı-aq, atalǵan is-shara barysynda aýdan turǵyndary men zııaly qaýym ókilderi de óz pikirin bildirdi. «Búgingi jetistikter – ortaq eńbegimizdiń jemisi. Osy qol jetken jetistikterimizdi, elimizdegi yntymaq pen birlikti, ultaralyq turaqtylyqty saqtap, óskeleń urpaqqa tabystaý bizdiń mindetimiz. Memleket basshysynyń joldaýynda qamtylmaǵan sala, aıtylmaǵan másele joq. Sondyqtan barshańyzdy memlekettik saıasatty qoldap, joldaýda mejelengen tapsyrmalardy birigip oryndaýǵa shaqyramyn», - dedi aýdandyq ishki saıasat bóliminiń basshysy Aldııar Qozybaev.