Saryaǵash aýdanynda páter urlyǵy men mal urlyǵyna mashyqtanǵandar ustaldy
TÚRKІSTAN. Qazaqparat – Túrkistan oblysy, Saryaǵash aýdanynda páter urlyǵy men mal urlyǵyna mashyqtanǵandar ustaldy. Qylmystyq toptyń músheleri jábirlenýshilerge jalpy 4,5 mıllıon teńgege jýyq shyǵyn keltirgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, polıtsııanyń kezekshi bólimine jergilikti turǵyn aryzdanǵan. Onyń aıtýynsha tún mezgilinde belgisiz bireýler tereze arqyly úıine kirip, mıllıon teńgege jýyq aqshasyn alyp ketken. Al, Saryaǵash aýdanynyń basqa bir turǵyny onyń úıine urylar túsip, jatyn bólmeden 1,3 mıllıon teńgege jýyq aqshalary men altyn buıymdaryn urlaǵandyǵyn jetkizgen. Osy tektes shaǵymmen polıtsııa bólimine aýdannyń birneshe turǵyny habarlasyp, olardyń da aqshalary men baǵaly zattaryn urlap ketkenin aıtqan. Úı tonaýshylardy ustaý maqsatynda tájirıbeli qyzmetkerlerden jedel-tergeý toby qurylyp, izdestirý sharalaryn júrgizdi.
Nátıjesinde osy qylmysqa qatysy bar degen Saryaǵash aýdanynyń úsh turǵyny ustaldy. Tergeý barysynda seziktilerdiń 12 páter urlyǵy men mal urlyǵyna qatystylyǵy anyqtaldy. ıAǵnı, shilde aıynda kúdiktiler Saryaǵash aýdany turǵynynyń qorasyna kirip, mal qoradan 100 myń teńgeden astam turatyn 2 qoıyn urlap ketkeni belgili boldy.
Atalǵan jaıt boıynsha QR Qylmystyq kodeksiniń 188-baby «Urlyq» boıynsha tirkelip, tergeý amaldary júrgizilýde. Kúdiktiler ýaqytsha ustaý abaqtysyna jabylyp, jábirlenýshilerge shyǵyndary birshama ótelgen.
