Saryaǵash aýdanynda ótken kókparǵa 150-ge jýyq adam jınalǵan
TÚRKІSTAN. QazAqparat – Saryaǵash aýdanynda 150-ge jýyq adam jınalyp kókpar uıymdastyrǵan, dep habarlaıdy QazAqparat Túrkistan oblysy Polıtsııa departamenti baspasóz qyzmetine silteme jasap.
Túrkistan oblysy Bas memlekettik sanıtarııalyq dárigeriniń qaýlylarynyń negizinde, karantın rejımi kezinde birqatar shekteý qoıylǵan. Osy baǵytta Saryaǵash aýdandyq PB polıtseıleri karantın rejımin jáne shekteý sharasyn saqtaý úshin qurylǵan toppen birge profılaktıkalyq jumysty júrgizip keledi.
«Osyndaı kezekti reıd barysynda kúndizgi saǵat 15:30 shamasynda Saryaǵash aýdanyndaǵy aýyldyń birinde kókpar ótkizilip jatqany anyqtalǵan. 150-ge jýyq adam jınalyp «Bata kókpar» uıymdastyryp, karantın rejımin jáne shekteý sharalaryn saqtamaǵan 60 jastaǵy turǵynǵa qatysty is-qujat jınaldy. Qylmysyq kodekstiń 425-baby «Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha jınaqtalǵan qujattar Saryaǵash aýdandyq sanıtarlyq-epıdemıologııalyq baqylaý bólimine joldandy», delingen habarlamada.
Baspasóz qyzmetiniń málimetinshe, jyl basynan beri Saryaǵash aýdanynda jasyryn túrde 10-ǵa jýyq kókpar uıymdastyrylǵan.
Túrkistan oblysynyń polıtseıleri azamattardy karantın rejımin qatań saqtaýǵa, medıtsınalyq betperde kııýge jáne áleýmettik qashyqty saqtaýǵa shaqyrady.
