Saryaǵash aýdanynda mereke kúni analarǵa qurmet kórsetildi

Aýdan ákimi kópbalaly analarǵa altyn jáne kúmis alqa tabystady. Olarǵa gúl shoqtary men baǵaly syılyq berildi. Muhıt Otarshıev óz sózinde adamzat balasyna ómir syılaǵan áıel qaýymynyń qoǵamda, otbasynda alatyn ornyna toqtaldy. Analardyń merekesi-ómirdegi eń bir shyraıly, júrekterge nur quıatyn mereke ekendigin aıtyp ótti. Elimizde anaǵa degen qurmettiń mańyzyn, damýyna ólsheýsiz úles kosyp kele jatqan analarymyzǵa izgi tilegin jetkizdi.

«Kóktemniń shýaqty sáti áıel-analarymyz ben arýlarymyzdan bastaý alady. Іzgi nıet pen sulýlyqqa, syrbaz sezim men syılastyqqa toly osy kún jan-dúnıeni jadyratyp, júrekterge jylý beredi. «Álemdegi ásemdik pen sulýlyq áıel kórki men ana meıiriminen nár alady» degen danalyq sóz bar. Rasynda adamzat ómiriniń irgetasy áıeldiń qolymen qalanady. Áıel qolynda tirshiliktiń shyraıy, otbasynyń shyraǵy bar. Sondyqtan erdi úıdiń ıesi sanaǵan dana halqymyz áıeldi shańyraqtyń kıesine balaǵan. Taǵylymdy tarıhymyz qaıratkerlik qasıet qonǵan analardan kende bolǵan emes. Ulanǵaıyr dalada urpaq maqtanyshyna aınalǵan talaı ulaǵatty analar ótkeni belgili. Bulardyń óshpes ónegesi men ólmes dástúri jańa Qazaqstanda jalǵasyn taýyp keledi. Barshańyzǵa zor densaýlyq, baıandy baqyt, ıgilik tileımin!», - dedi Saryaǵash aýdanynyń ákimi.