Saryaǵash aýdanynda «Qyz uzatý» toıyn jasaǵandarǵa aıyppul salyndy
SARYAǴASh. QazAqparat - Túrkistan oblysy Saryaǵash aýdanynda «Qyz uzatý» toıyn jasaǵan turǵynǵa aıyppul salyndy. Moblıldi top músheleri 100-ge jýyq adam jınalǵan toıdy tarqatyp, qonaqtardy qaıtarǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, halyqtyń kóptep shoǵyrlanýyna jol bergen ári karantın talaptaryn oryndamaǵan toıhana ıesi men toı ıesine qatysty ákimshilik hattama toltyrylǵan. Іs-qujattar rásimdelip, Saryaǵash aýdandyq SEBB-na joldanǵan.
Karantın talaptarynyń saqtalýyn qadaǵalaý maqsatynda aýdandyq APB qyzmetkerleri men jergilikti atqarýshy organdarynan mobıldik toptar qurylyp, qarqyndy jumys júrgizýde.
Sonyń nátıjesinde 1479 ákimshilik quqyq buzýshylyq anyqtalyp, jınaqtalǵan is-qujattar aýdandyq taýarlar men kórsetilgen qyzmetterdiń qaýipsizdigin baqylaý basqarmasyna joldanǵan.
