Saryaǵash aýdanynda kómekke muqtaj 100 otbasyǵa azyq-túlik taratyldy

TÚRKІSTAN. QazAqparat – Elimizde tótenshe jaǵdaı rejımi jarııalanǵaly beri Saryaǵash aýdanynda túrli jobalar men aktsııalardy qoldap, qaıyrymdylyq kórsetip jatqan jomart jandar kóbeıip keledi. Jaqsylyqqa jany qumar osyndaı azamattar shekaraly aýdandaǵy az qamtylǵan jáne turmysy tómen otbasylarǵa qoldaý bildirip, azyq-túlik sebetterin úlestirýde, dep habarlaıdy QazAqparat tilshisi.

Ramazan aıyndaǵy ıgilikti isten aýdandyq máslıhattyń depýtaty da shet qalmady.

«Nur Otan» partııasynyń fraktsııa múshesi Jomart Abdibaev Elbasynyń bastamasymen qolǵa alynǵan «BIZBIRGEMIZ» respýblıkalyq aktsııasy aıasynda Jibek joly aýyldyq okrýginiń turǵyndaryna qol ushyn sozdy. Halyq qalalaýlysy aýdandyq Jastar resýrstyq ortalyǵynyń erikti jastarymen birlesip múmkindigi shekteýli, jalǵyzbasty, kópbalaly jáne turmysy tómen muqtaj 100 otbasyǵa azyq-túlikter jetkizip berdi. Óz kezeginde kómek alǵan januıalar qaıyrymdyq sharasyn uıymdastyrýshylarǵa izgi tilekterin bildirip, alǵystaryn jetkizdi.