Saryaǵash aýdanynda «Halyqtyq keńse» ashyldy

TÚRKІSTAN. QazAqparat – Túrkistan oblysynyń Saryaǵash aýdanynda «Halyqtyq keńse» ashyldy. Ortalyqtyń ashylý saltanatyna Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń birinshi orynbasary Mıras Qarǵabaı men aýdan ákimi Muhıt Otarshıev qatysty, dep habarlaıdy QazAqparat tilshisi.

Aýdan turǵyndaryna qoljetimdi, ashyq jáne jedel qyzmet kórsetetin ashyq keńistiktegi jańa nysanda 7 derbes bólim bar. Atap aıtsaq, bilim, jer qatynastary, aýyl sharýashylyq, turǵyn-úı kommýnaldyq sharýashylyǵy, ekonomıka jáne qarjy, sáýlet jáne qala qurylysy, jumyspen qamtý jáne áleýmettik baǵdarlamalar bólimderiniń mamandary halyqqa qyzmet kórsetedi.

Keńsede 90 memlekettik qyzmet túri kórsetilip, turǵyndardyń kedergisiz qyzmet alýlaryna jaǵdaı jasalǵan. Sondaı-aq elektrondyq tsıfrlyq qoltańba (ETsQ) alýǵa, járdemaqy taǵaıyndaýǵa ótinish, turǵyn úı kezegine tirkelý, jer, úı qujattaryn zańdastyrý, halyqqa qyzmet kórsetý ortalyǵyna bron jasaýǵa kómek beretin barlyq qolaıly jaǵdaılar qarastyrylǵan.

Aýdannyń ıgiligine berilgen halyqtyq keńse aldaǵy ýaqytta memlekettik qyzmet kórsetetin mekemelerdi bir jerde shoǵyrlandyryp qana qoımaı, jergilikti atqarýshy organdardyń turǵyndarmen ashyqtyq qaǵıdatyna negizdele otyryp jumys jasaýyna yqpal etpek.