Saryaǵash aýdanynda Halyqaralyq qarttar kúni atalyp ótti

Aýdan ortalyǵynda zeınet jasyndaǵy el aǵalary men aq jaýlyqty analarǵa arnap, dastarhan jaıyldy, dep habarlaıdy QazAqparat tilshisi.

Aýdan qarttarynyń bastaryn qosqan merekelik sharada aýdan ákimi Muhıt Otarshıev sóz alyp, qazynaly qarııalarǵa izgi tilegin arnady.

«Úlkendi syılaý, olarǵa qurmet kórsetý – ata-babadan kele jatqan saltymyz. Sizderdiń ómirlik tájirıbelerińiz ben aqyl-keńesterińiz, tálim-taǵylymdaryńyzdyń biz úshin orny bólek. Sebebi, árqaısylaryńyzdyń aýdanymyzdyń ósip-órkendeýine qosqan úlesterińiz ben eńbekterińiz eren. Talaı jasty tárbıelep, izbasarlaryńyzdy ósirdińizder. Búgin, eńbekterińizdiń zeınetin kórip otyrǵan shaqta da Sizder urpaqtaryńyzǵa ıgilik pen izgiliktiń, paıym-parasattyń úlgisin tanytýdan jalyqqan emessizder, barshańyzǵa myqty densaýlyq, kóterińki kóńil kúı, uzaq ǵumyr tileımin»,- dedi aýdan basshysy.

Sondaı-aq merekelik sharada aýdandyq ardagerler keńesiniń tóraǵasy Mustafa Súleımenov, «Nur Otan» partııasy Saryaǵash aýdandyq fılıalynyń birinshi orynbasary Qudiret Qystaýbaev merekemen quttyqtap, alǵys hattarmen marapattady.

Merekelik is-shara kontserttik baǵdarlamamen úılesimin tapty. Dastarhannyń basynda qarttar bir-birine alǵystary men quttyqtaýlaryn aıtyp, merekelik kóńil men ásem ánderin shyrqady.