Saryaǵash aýdanynda egin egý naýqany bastaldy
TÚRKІSTAN. QazAqparat – Túrkistan oblysynyń Saryaǵash aýdanynda egin egý naýqany bastaldy, dep habarlaıdy QazAqparat oblys ákiminiń baspasóz qyzmetine silteme jasap.
«Saryaǵash aýdanynyń ekonomıkasyn damytýdyń negizgi basymdyqtarynyń biri – aýylsharýashylyq salasy. Atalǵan salany damytý maqsatynda aýdan sharýalary kóktemgi dala jumystaryn júrgizýdi qolǵa alyp otyr. Aýdanda eki-úsh ónim alý jobasy boıynsha egin egý jumystary bastaldy.
Qazirgi tańda aýdan aýmaǵynda 315 ga jerge qyryqqabat jáne 130 ga jerge kartop egildi. Sonymen qatar, osy jyldyń dándi daqyldar ónimi úshin 30 myń ga jerge kúzdik bıdaı sebildi», delingen habarlamada.
Bıyl aýdanda jalpy 70 myń gektarǵa jýyq jerge egin egý josparlanyp otyr. Atap aıtqanda, 42 myń 800 gektaryna astyq, 2 200 gektarǵa maıly daqyldar, 4 000 ga jerge kartop, 10 myń gektardan asa kókónis, 1 200 ga baqsha jáne 9 myń ga jerge mal azyǵy daqyldary egiledi.
