Saryaǵash aýdanynda búldirshinder arasynda velojarys ótti
SARYAǴASh. QazAqparat – Túrkistan oblysy Saryaǵash aýdanynda búldirshinder qatysqan «Baldyrǵan» velojarys ótti. Oblys kóleminde alǵash ret uıymdastyrylǵan saıysqa balabaqshaǵa baratyn 3-6 jas aralyǵyndaǵy búldirshinder qatysty, dep habarlaıdy QazAqparat tilshisi.
Bul sporttyq jarystyń maqsaty mektep jasyna deıingi balalardyń qımyl-qozǵalysyn damyta otyryp, eptiligi men shapshańdyǵyn arttyryp, salaýatty ómir saltyn qalyptastyrý boldy. Velojarysta Saryaǵash jáne Saıram aýdanynyń búldirshinderi, jalpy 12 balabaqshadan 50 tárbıelenýshi baqtaryn synap kórdi.
Saıys erejesine saı ul jáne qyz balalar jas erekshelikterine baılanysty 2 túrli velosıpedpen 100 metr qashyqtyqta júrip ótti.
Jarys qortyndysynda jeńimpazdar men belsendilik kórsetken barlyq búldirshinder aýdandyq dene shynyqtyrý jáne sport bóliminiń gramotalarymen jáne syılyqtarymen marapattaldy.
1-oryndy Saryaǵash aýdany №4 bóbekjaı balabaqshasynyń búldirshinderi jeńip alsa, 2-oryn Saıram aýdanyndaǵy «Yrysaly apa» baqshasynyń búldirshinderine buıyrdy. Al, 3-oryndy Saryaǵash aýdanyndaǵy №5 túzetý úlgisindegi sanatorlyq balabaqshasynyń balalary qanaǵat tutty.
Jarys jeńimpazdaryna aldaǵy 1-3 qarasha aralyǵynda Nur-Sultan qalasynda ótkiziletin Respýblıkalyq saıysqa joldama berildi.
Uıymdastyrýshylar bul jarysty otbasylyq merekege aınaldyrý arqyly balalardy salaýatty ómir saltyn ustanyp, sportqa degen qyzyǵýshylyǵyn arttyrýǵa bolatynyn aıtyp otyr.
