Saryaǵash aýdanynda bir aılyq sábı kómirqyshqyl gazyna ýlanyp kóz jumdy
ShYMKENT. QazAqparat - Ońtústik Qazaqstan oblysynda peshtiń aqaýy saldarynan bir aılyq náreste ıis tıip qaıtys boldy, taǵy eki jasóspirim aýrýhanada jatyr.
Bul týraly oblystyq Tótenshe jaǵdaılar departamentiniń baspasóz qyzmetinen habarlady, dep habarlaıdy QazAqparat HAA tilshisi.
Qaıǵyly oqıǵanyń ekeýi de bir kúnde oryn alǵan. Saryaǵash aýdanynyń Taskent aýylynda turatyn kelinshek tańǵy saǵat 7:30-dar shamasynda bir aılyq sábıin úıindegi peshtiń janyna qaldyryp ketken. Jarty saǵattan keıin oralǵanda náresteniń es-túzsiz jatqanyn kórgen. Jedel járdem qyzmetin dereý shaqyrtqanymen, dárigerler sábıdi aman alyp qala almady. Ol kómirmen jylytylatyn úıde tútinge tunshyǵyp, jan tásilim etken.
Al, Saıram aýdanyndaǵy Aqsýkent aýylynda gazdan úı ıesi men eki qyzy ýlanyp qalǵan. 2 jáne 13 jasar qyzdaryn jýyndyrmaq bolǵan ana vannaǵa sý toltyryp, ekeýin de ishke kirgizgen. Alaıda óziniń basy aınalyp mazasyzdanǵan soń, syrtqa shyǵyp ketken. Birer mınýttardan soń úıine oralsa, eki qyzy da es-túzsiz jatqanyn kóredi. Dárigerler ıiske ýlanǵan úsheýdi de Saıram aýdandyq aýrýhanasyna jatqyzǵan. Qazir kelinshektiń jaǵdaıy jaqsaryp, úıine jiberilgen. Qyzdary áli de em qabyldaýda.
