Sary teńizde orystar men japondyqtar arasyndaǵy soǵysta sýǵa batyp ketken keme tabyldy
ASTANA. 9 qarasha. QazAqparat - 21 qazan men 6 qarasha aralyǵynda Sary teńizdegi Qytaıdyń Lıýıshýn aılaǵy mańynda izdeý jumystaryn júrgizgen Reseı-Qytaı ekspedıtsııasy 1904 jyly
orystar men japondyqtar arasyndaǵy soǵys kezinde teńizge batyp ketken reseılik bronenosets «Petropavl» kemesin tapty. Bul týraly QHR-daǵy Reseı elshiliginiń keńesshi-elshisi Evgenıı Tomıhınniń aqparatyna silteme jasaı otyryp Ýtro.rý agenttigi habarlady.
«Lıýıshýn» aýdanyndaǵy aýmaqty zertteý barysynda reseılik taraptyń muraǵattyq materıaldaryna súıene otyryp «Petropavl» kemesiniń qaldyqtaryna uqsaıtyn nysandar tabyldy. Mamandardyń aldyn ala boljamy boıynsha, osy ýaqytqa deıin qańqasy ǵana qalǵan bronenosetstiń naqty qaı jerde sýǵa batqanyn aıtýǵa bolady», - deıdi E.Tomıhın.
«Petropavl» kemesine 1904 jyly 13 sáýirde japondyqtardyń mınasy tıip, teńizge batyp ketken bolatyn. Kememen birge 620 teńizshi, 29 keme jáne shtab komandıri qaza tapqan edi.
