Sary teńizde Ońtústik Koreıa Áskerı-Teńiz kúshteriniń jaýyngerlik kemesi batyp ketti

Osynaý tótenshe oqıǵaǵa baılanysty el prezıdenti eldiń qaýipizdigin qamtamasyz etýge jaýapty kúsh-qýat mınıstrleriniń jedel keńesin ótkizdi, dep habarlaıdy ITAR-TASS agenttigi.

Bortynda 104 ekıpaj múshesi bolǵan sý syıymdylyǵy 1500 tonnany quraıtyn (basqa málimetter boıynsh 1200 tonna da bolýy yqtımal) «Chhonan» jaýyngerlik kemesi jergilikti ýaqyt boıynsha saǵat 21.45-te (máskeý ýaqyty boıynsha 15.45-te) Pennendo aralynyń tóńireginde sýǵa batyp ketken. Sońǵy málimetter boıynsha, ekıpaj músheleriniń 58-i ǵana qutqaryldy.

Jergilikti ýaqyt saǵat 23.00-terde 10 mınýttaı ýaqytqa sozylǵan «artıllerııalyq atys» týraly jergilikti turǵyndardyń habarlaryna baılanysty, Seýl Soltústik Koreıa tarapynan kemege shabýyl jasalý yqtımaldyǵyn joqqa shyǵarmaıdy. Bastapqyda ońtústikkoreılik áskerıler, kemeniń Soltústik jaqqa belgisiz kemege qaraı oq atqanyn habarlaǵan. Biraq, Koreıa Respýblıkasy Qarýly Kúshteriniń Shtab basshylary komıtetinen habarlaǵandaı, radarda kóringen ol belgisiz nysan qustar bolyp shyqqan, dep paıymdalýda.

«Oqıǵanyń naqty sebebin biz ázirge aıta almaımyz», - dep habarlaıdy Áskerı-Teńiz kúshteriniń ókili. Biraq, birqatar resı tulǵalardyń pikirinshe, kemeniń túbindegi úlken jaryqqa, sebebin ázirge eshkim túsindire almaı otyrǵan jarylys sebep bolýy múmkin.

Kúsh-qýat qurylymdary mınıstrleriniń keńesinde el prezıdenti Lı Men Bak barlyq kúsh-jigerdi ekıpaj múshelerin qutqarýǵa jumyldyrý týraly nusqaý berdi. Memleket basshysynyń apparatynan habarlaǵandaı, bul oqıǵaǵa Soltústik Koreıanyń tikeleı qatysy bar-joqtyǵy ázirge beımálim.