Sary maıǵa suranys artyp, óndiris azaıǵan

NUR-SULTAN. QazAqparat – Bıyl Qazaqstanda sary maı óndirisiniń kólemi byltyrǵydan 12,6% azaıyp, baǵasy 15% qymbattaǵan. Bul týraly QazAqparat Energyprom.kz saıtyna silteme jasap habarlaıdy.

«Óńirler arasynda sary maı baǵasy Mańǵystaý oblysynda qatty qymbattaǵan – jyl basynan beri 29% ósim bar. Jalpy respýblıka boıynsha qańtar-shildearalyǵynda 13,9 myń tonna sary maı óndirildi. Bul byltyrǵy kezeńmen salystyrǵanda 12,6% kem. Qańtar-mamyr aralyǵynda otandyq óndirýshiler sary maıǵa degen suranysty 71% qamtamasyz ete alǵan. Byltyr bul kórsetkish 83,6% bolǵan edi. Sonyń áserinen ımport birden 83,5% artqan», - dep jazylǵan saraptamada.

Shildeniń qortynydysy boıynsha tuzdalmaǵan sary maıdyń baǵasy bir aıda 1,2%,bir jylda 17% ósken. Aljyl basynan bergi ósim 14,7% bolyp otyr.

«Tuzdalmaǵan sary maıdyń respýblıkadaǵy ortasha baǵasy kelisine 3,3 myń teńge kóleminde. Іri qalalar arasynda Pavlodarda birkeli maı baǵasy 2,7 myń teńge bolsa, Atyraýda 4,3 myń teńgege jetken.

Jyl basynan beri baǵanyń qatty qymbattaýy Mańystaý oblysynda tirkeldi, baǵa birden 29% ósken. Odan keıin Shymkent qalasy (26,7%) men Jambyl oblysy (26,4%) tur. Al Nur-Sultan (3%) qalasy men Almaty (5,6%) jáne Pavlodar (7,2%) oblystarynda baǵa barynsha baıaý ósip jatyr», - dep jazady Energyprom.kz.