«Sary» aımaqtaǵy Atyraýda 69 adam koronavırýs juqtyrdy

ATYRAÝ. QazAqparat – «Sary» aımaqtaǵy Atyraýda 69 adam koronavırýs ınfektsııasyn juqtyrdy, dep habarlaıdy QazAqparat.

Oblystyq densaýlyq saqtaý basqarmasynyń aqparatyna súıensek, ótken táýlikte 69 adamnan qaýipti vırýstyń belgisi anyqtalǵan.

«Atyraý qalasy áli de koronavırýs ınfektsııasynyń oshaǵy retinde qalyp otyr. Ótken táýlikte shaharda 42 naýqas tirkeldi. Al, Teńiz ken ornynda – 3, Inder aýdanynda – 10,

Jylyoıda – 6, Qyzylqoǵada – 4, Mahambet aýdanynda 1 adam qaýipti vırýsqa shaldyqqany rastaldy», -dep málim etti densaýlyq saqtaý basqarmasy.

Qazir 308 adam úı jaǵdaıynda emdelip jatyr. Atyraý qalasyndaǵy modýldik aýrýhanada –110, №2 oblystyq aýrýhanada – 65, aýdandardaǵy ınfektsııalyq statsıonarlarda – 44, ftızıopýlmanologııa ortalyǵynda 5 naýqas em qabyldaýda. Jylyoı aýdanyndaǵy Teńiz

ken ornyndaǵy ınfektsııalyq statsıonarda 84 patsıent oqshaýlanǵan.

Eske sala ketelik, buǵan deıin Atyraý oblysynda ınfektsııalyq statsıonarlarda 327

naýqas jatqanyn jazǵan bolatynbyz.