Sársenbide Qazaqstannyń basym bóliginde jaýyn jaýady
ASTANA. QazAqparat - «Qazgıdromet» RMK 18 sáýirge arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıkanyń basym bóliginde jaýyn-shashyn saqtalady. Eldiń ońtústik jáne ońtústik-shyǵysynda qatty jel soǵyp, tek batysta jaýyn-shashynsyz aýa raıy kútiledi.
Respýblıkanyń keı jerlerinde tuman, ekpindi jel soǵady, ońtústik jáne ońtústik-shyǵysta naızaǵaı, shańdy daýyl, burshaq, soltústikte kóktaıǵaq kútiledi.
Jambyl oblysynyń keı jerlerinde jeldiń kúshi 15-20, túnde ekpini 23 m/s jetedi, burshaq bolýy múmkin.
Almaty qalasy, Ońtústik Qazaqstan, Qyzylorda, Atyraý, Aqtóbe oblystarynyń keı jerlerinde jeldiń jyldamdyǵy 15-22 m/s jetedi. Atyraý oblysynda shańdy daýyl soǵady.
Qostanaı, Aqmola, Qaraǵandy, Soltústik Qazaqstan, Shyǵys Qazaqstan. Pavlodar, Mańǵystaý oblystarynyń keı jerlerinde jel 15-20 m/s kúsheıedi, tqman túsedi.
