Sársenbide Qazaqstannyń basym bóliginde aýa-raıy jaýyn-shashynsyz bolady
ASTANA. QazAqparat - Búgin atmosferalyq fronttardyń ótýine baılanysty respýblıkanyń batysynda, shyǵysynda naızaǵaı oınap, jańbyr jaýady. Qazaqstannyń basqa aımaqtarynda jaýyn-shashynsyz aýa raıy kútiledi. Respýblıkanyń keı jerlerinde jel kúsheıip, ońtústikte shańdy daýyl kútiledi. Túnde jáne tańerteń tuman túsedi.
Bul týraly «Qazgıdromet» RMK baspasóz qyzmeti habarlaıdy.
Qyzylorda oblysynyń keı jerlerinde jeldiń jyldamdyǵy 15-20, keı jerlerde 23-28 m/s-ǵa deıin kúsheıedi. Keı jerlerde shańdy daýyl kútiledi.
Shyǵys Qazaqstan oblysynda kúndiz keı jerlerde jeldiń jyldamdyǵy 15-20 m/s-ǵa deıin kúsheıedi, túnde jáne tańerteń keı jerlerde tuman kútiledi.
Túnde jáne tańerteń Almaty, Atyraý, Aqmola, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman kútiledi.
Jambyl, Túrkistan, kúndiz Atyraý, Batys Qazaqstan, Aqtóbe oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Shyǵys Qazaqstan, Karaǵandy oblystarynda 1-3 gradýs úsik júredi.
Túrkistan, Mańǵystaý, Jambyl oblystarynyń basym bóliginde, Qyzylorda Atyraý, Batys Qazaqstan oblystarynyń keı jerlerinde órt qaýpi saqtalady.
