Sársenbide elimizdiń keı jerlerinde jaýyn jaýady
ASTANA. QazAqparat - 26 sáýirde atmosferalyq aǵyndardyń ótýine baılanysty respýblıkanyń batys, soltústik jáne ońtústik aımaqtarynyń keı jerlerinde jańbyr jaýady. Respýblıkanyń keı jerlerinde naızaǵaı, tuman bolyp, ekpindi jel soǵady, qıyr soltústikte burshaq jaýýy múmkin, dep habarlaıdy Qazgıdromet.
Ońtústik Qazaqstan, Qyzylorda, Mańǵystaý oblystarynyń keı jerlerinde shańdy daýyl, jel 15-20 m/s kútiledi, kúndiz Ońtústik Qazaqstan oblysynda jeldiń ekpini 23 m/s kúsheıedi.
Soltústik Qazaqstan oblysynyń keı jerlerinde jel 15-20 m/s kúsheıedi, kúndiz burshaq jaýýy múmkin.
Qostanaı, Shyǵys Qazaqstan oblystarynyń keı jerlerinde tuman bolyp, jel 15-20 m/s kúsheıedi.
Kúndiz Aqmola, Jambyl, Atyraý, Batys Qazaqstan, Aqtóbe oblystarynyń keı jerlerinde jeldiń 15-20 m/s kúsheıýi kútiledi.
Qaraǵandy oblysynyń ońtústik-shyǵysynda órt shyǵý qaýpi óte joǵary deńgeıde bolady.
