Sársenbide elimizdiń basym bóliginde jaýyn jaýady
ASTANA. QazAqparat - 18 qazanda Qazaqstannyń basym bóliginde atmosferalyq aǵyndardyń ótýine baılanysty jańbyr kútiledi, ońtústik- shyǵys jáne ońtústiktiń keı jerlerinde kúshti jańbyr jaýady, dep habarlaıdy QazAqparat Qazgıdrometke silteme jasap.
Elimizdiń keı jerlerinde tuman men jeldiń kúsheıýi kútiledi. Aqmola, Almaty, Qyzylorda, Mańǵystaý, Atyraý, Qaraǵandy, Shyǵys Qazaqstan oblystarynyń keı jerlerinde jel 15-23 m/s kúsheıedi.
Soltústik Qazaqstan, Ońtústik Qazaqstan oblystarynyń keı jerlerinde jel 15-20 m/s, ekpini 23-28 m/s kúsheıedi.
Batys Qazaqstan, Aqtóbe, Qostanaı, Pavlodar oblystarynyń keı jerlerinde tuman kútiledi, Aqtóbe, Qostanaı, kúndiz Pavlodar oblystarynda jel 15-20 m/s kúsheıedi.
Jambyl oblysynyń keı jerlerinde tuman, jel 15-20 m/s, ekpini 23-28 m/s-ge jetedi, óńirdiń ońtústik batysynda asa kúshti 30 m/s jel soǵady.
