Sársenbide elimizdiń basym bóliginde kún raıy ashyq bolady
ASTANA. QazAqparat - 13 aqpanda Qazaqstanda atmosferalyq aǵyndardyń ótýine baılanysty elimizdiń keı jerlerinde qar jaýady, batysta, soltústik-batysta, soltústikte jáne ortalyqta jaýyn-shashynsyz ashyq aýa raıy kútiledi. Respýblıkanyń keı jerlerinde tuman, kóktaıǵaq, burqasyn, jeldiń kúsheıýi yqtımal, dep habarlaıdy QazAqparat Qazgıdrometke silteme jasap.
Qyzylorda oblysynyń keı jerlerinde tuman kútiledi, túnde keı jerlerde, kúndiz óńirdiń basym bóliginde jel 15-23, kúndiz keı jerlerde 25 m/s kúsheıedi, kúndiz keı jerlerde kóktaıǵaq bolady.
Almaty oblysynyń keı jerlerinde tuman, kóktaıǵaq bolady, Jalańashkól aýdanynda jel 20-25, keı jerlerde ekpini 30 m/s kúsheıedi.
Jambyl jáne Túrkistan oblystarynyń keı jerlerinde tuman, kóktaıǵaq baıqalady, jel 15-20 m/s kúsheıedi, Jambyl oblysynda ekpini 23-28 m/s jetedi.
Shyǵys Qazaqstan oblysynyń keı jerlerinde boran soǵady, tuman túsedi, jel 15-20 m/s kúsheıedi.
Aqmola, Mańǵystaý, Batys Qazaqstan, Aqtóbe, Qostanaı, Soltústik Qazaqstan, túnde jáne tańerteń Pavlodar, Qaraǵandy oblystarynyń keı jerlerinde tuman baıqalady.
