Sársenbide elimizdiń basym bóliginde qar jaýady
NUR-SULTAN. QazAqparat –«Qazgıdromet» RMK 27 qarashaǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyǵ ótýimen respýblıkanyń basym bóliginde qar jaýady, ońtústikte jaýyn-shashyn, kóbinese qar túrinde jaýady, tek elimizdiń batys bóligi antıtsıklon jotasy yqpalynda bolady, sondyqtan jaýyn-shashynsyz aýa raıy saqtalady. Keı jerlerde tuman, kóktaıǵaq, burqasyn kútiledi, jel kúsheıedi.
Almaty oblysynyń keı jerlerinde tuman, kóktaıǵaq kútiledi, Jalanashkol aýdanynda jel 17-22, ekpini 25 m/s kúsheıedi.Túrkistan oblysynyń keı jerlerinde tuman, kóktaıǵaq, burqasyn kútiledi, kúndiz jeldiń jyldamdyǵy 15-20 m/s jetedi.
Shyǵys Qazaqstan oblysynyń keı jerlerinde burqasyn kútiledi, jel 15-20 m/s kúsheıedi. Aqmola oblysynyń keı jerlerinde burqasyn kútiledi, kúndiz keı jerlerde jel 15-20 m/s kúsheıedi. Jambyl, Qostanaı oblystarynyń keı jerlerinde tuman, kóktaıǵaq, Jambyl oblysynyń keı jerlerinde jaıaý burqasyn soǵady.
Soltústik Qazaqstan oblysynyń keı jerlerinde tuman, burqasyn kútiledi. Qaraǵandy oblysynyń kúndiz keı jerlerinde kóktaıǵaq, jaıaý buqasyn kútiledi. Atyraý, Aqtóbe oblystarynyń keı jerlerinde tuman túsedi.
