Sársenbide elimizde jel kúsheıedi, soltústik óńirlerde boran soǵady
ASTANA. QazAqparat - 21 qarashada Qazaqstannyń basym bóligi belsendi frontaldy aımaqta ornalasqandyqtan, qar jaýady. Keı jerlerde ekpindi jel soǵyp, tuman túsedi, kóktaıǵaq bolady, burqasyn soǵýy yqtımal, dep habarlaıdy QazAqparat Qazgıdrometke silteme jasap.
Qostanaı oblysynyń keı jerlerinde jaıaý burqasyn, tuman, kóktaıǵaq kútiledi, kúndiz jel 18 m/s kúsheıedi.
Aqmola oblysynyń keı jerlerinde burqasyn kútiledi jel 15-20 m/s kúsheıedi, joldarda kóktaıǵaq bolady.
Qaraǵandy oblysynyń keı jerlerinde tuman, kóktaıǵaq, jaıaý burqasyn soǵýy yqtımal.
Shyǵys Qazaqstan oblysynyń keı jerlerinde jel 15-20 m/s kúsheıip, burqasyn bolady, túnde jáne tańerteń tuman kútiledi.
Almaty oblysynyń Jalańashkól aýdanynda jel 15-20, kúndiz ekpini 25 m/s kúsheıedi, túnde keı jerlerinde tuman kútiledi.
Jambyl oblysynyń keı jerlerinde tuman kútiledi, jel 15-20 m/s kúsheıedi, túnde jáne tańerteń kóktaıǵaq bolady.
Túrkistan oblysynyń keı jerlerinde tuman bolyp, jel 15-20 m/s kúsheıedi. Qyzylorda, Mańǵystaý, Atyraý, Batys Qazaqstan, Soltústik Qazaqstan oblystarynyń keı jerlerinde tuman, kóktaıǵaq kútiledi.
Aqtóbe, Pavlodar oblystarynyń keı jerlerinde tuman kútiledi.
